miércoles, 20 de junio de 2018

Karlisten altxorra

karlisten altxorra bilaketarekin bat datozen irudiak  6. mailakoek liburu hau irakurri eta komentatu zuten solasaldietan 2. hiruhilekoan. Horrez gain, Bidarteko bibliotekan idazlearekin zalantza guztiak argitzeko aukera izan genuen. Gaizka Arostegi istorioak asmatzen hasi zen bere lehengusu-lehengusinak entretenitzeko lehenengo eta gero bere alaba. Liburu honetan asko maite dituen hiru gauza nahastu zituen: Baztan, historia eta abenturak.
Batzuetan, liburu bat hilabeteak idazten eta gero, bertan behera utzi behar du ez zaiolako ona iruditzen. Eta hori da idazten gustuko dutenei eman zien aholku bat: ez etzi. Eta asko irakurri, noski!

2017- 2018ko IRAKURLE BIKAINAK!!

martes, 29 de mayo de 2018

Nire aita ikusezina da

Liburu honen idazlearekin bildu ginen Bidarten liburuari buruz eta idazteari buruz hitz egiteko. Idazteko zaletasuna txikitan sortu zitzaion. Astelehenero ikastola "Atzoko eguna" idazlana idazteko eskatzen zioten. Berak igandero gauza bera egiten zuen: bere gurasoekin izeko-osabaren etxera joan. Beti berdina ez kontatzeko otu zitzaion zer edozer asmatzea.
Bera bizi den herrian, Bedian, adin honetako umeentzat irakurle tailerra antolatu du eta liburu hauek irakurri dituzte: Euli bat dut bihotzean, Elurraren formula eta Arkatz bat azkenengo lerroan.

jueves, 3 de mayo de 2018

4. mailakoak Alaitz Olaizolarekin

Aste santuan 4. mailakoek Alaitz Olaizolaren  Mikel eta Mikaela liburua irakurri zuten. Maiatzaren 2an liburuaren idazlearekiko topaketa egin genuen bibliotekan. Galdera pilo bat egin zioten Alaitzi eta gauza asko ikasi genituen. Berak antzerki lanak idazten ditu gehien bat, hau da bere ipuin bakarra. Idaztea  “momentu emozionantea” da berarentzat: baten negarrez hasi zen bere pertsonaiari gertatzen zitzaiona idazten, askotan barre egin du. 3zpa4 telebista programaren gidoilaria da. Laster aterako da jazarpenari buruzko antzerki liburua Nork agintzen du?. Idazteko aholkuak eta ideiak nondik atera kontatu zigun ere… Guk ere bageneukan berarentzako oparia prest: istorioaren inguruko marrazkiak eta Alaitzen biografia asmatuen bilduma. Oso saio interesgarria izan zen!